პირად მინდოდი და არა პირის ნაცვალად:
არა მედ,
არა შენად
და მით უფრო არა ამად, მაგად ან იმად...


და აი ასე პირობითად,
იმ პირობით,
რომ პირობებს ვადგენთ
დასაპირებლად,
პირისპირობამდე და პირდაპირობამდე...
ვპირისპირდებით უპირობოდ...

და ასე შენ პირისპირ
ვითავისწინებ თავს...

არ გეჩვენები, როგორც სასურველი ხილვა...
მე ნებით გეჩვენები, გიჩვენებ თავს თვალ-წინ და -ნათლივ.
გიჩვენებ _
ჩემს შენად ვაქცევ დაუკარგავად